「飛人」返嚟啦！今季表現一直平平無奇嘅「飛人」卡特，尋日終於重現射手本色，轟入今季新高48分，帶領魔術喺半場落後十幾分下上演絕地大反擊，主場反噬黃蜂123:117！

半場落後絕地反擊

季前卡特由籃網轉會魔術，一度令外間非常期待，可惜「飛人」一直表現唔出水準，上個月命中率更跌至28%，每次主場比賽都例被球迷柴台，不過卡特尋日對黃蜂終於翻生，喺下半場轟入34分，全場有48分，距離個人最高只差3分，成功帶領魔術反勝。賽後卡特表示等咗呢一刻已經好耐：「之前幾個月的確好難過，但我唔介意被人噓，因為我知道自己嘅能力，我嚟緊一定會繼續努力，將最好嘅卡特展現喺大家眼前。」

其實除咗卡特外，「野獸」杜域侯活尋日亦有上佳表現，交出25分、12個籃板同4次封波，兩個人咁鬼弗，聽日魔術作客公牛相信唔難再下一城，受讓1分當然捧下盤啦！

NBA常規賽周四賠率	東西岸排名	放大圖片