効力匯虎打入決賽

曾經効力金塊、馬刺、速龍、魔術同紐約人5支NBA球隊嘅巴特爾，喺08年以傳說中嘅400萬年薪加盟CBA球隊新疆匯虎。結果巴特爾亦打出身價，幫匯虎打入決賽，並攞埋當屆CBA MVP，成為主文中提過要黎明同甄子丹等佢延遲拍戲嘅主因。

巴特爾同匯虎仲有3年先約滿，約滿後巴特爾好大機會會退休，對於退休後會做啲乜，巴特爾講笑咁話：「回家伺候老婆同仔女。」但其實巴特爾拍完《十月圍城》後，已經接拍咗一部喜劇，將會飾演「天神」，好多人都估巴特爾退休後會轉戰娛樂圈，不過巴特爾就話冇興趣：「拍戲太嘥精神啦！我只係覺得拍戲好好玩，但我絕對唔想靠電影或者電視嚟養自己。」希望佢諗清諗楚後，會收番呢句啦！