陷入「七國亂世」的澳網男單同樣會在今日展開，除了前「－哥」拿度會登場外，兩大新星梅萊與博迪奧亦是另一焦點。當中來自英國的梅萊今年突然更改備戰程序，提早適應澳洲的炎熱天氣，難怪就連兩大網壇名人麥恩萊與卡希爾，均力撐這位英國希望可突圍封王。
被視為有力實現英國人74年大滿貫希望的梅萊，放棄了爭取多哈網賽3連冠，改以珀斯舉行的賀文盃作為新球季開始，並在賽事結束後，自上周一起便出發往墨爾本備戰。梅萊表示：「我喺珀斯有好好嘅練習，打咗8場比賽，雖然好熱，但更加有利我適應呢度天氣。」
名宿麥恩萊認為梅萊係今年澳網真命天子：「我諗今次真係佢嘅世界，雖然壓力唔細，但硬地最啱佢。」至於曾指導阿加斯嘅名教練卡希爾則表示：「個個都買費達拿贏，但我認為梅萊最有機。場地啱佢，天氣又啱佢，佢捧盃有乜出奇？」