繼去年溫布頓及美國公開賽後，今屆澳網亦加入「Hi-tech」大滿貫行列，把賽事引入「潮人世界」，跟至Hit手機iphone玩crossover，為用戶提供最快、最新而且一毫子都唔使畀的資訊，令澳網影響力無遠弗屆。
賽會與IBM合作，iphone用戶只需下載「Australian Open」指定程式，即可免費連結到賽會data base，收取多項資訊，包括實時賽果、相片、精華片段、賽程表、球星檔案，甚至收聽電台直播頻道。此外，球迷更可透過熱爆全球的「微型博客」Twitter「追蹤」（Follow）一舉一動，互動交流，一網打盡魯迪克、梅萊、Ｓ威廉絲等心聲，猶如球星向你提交賽後報告！
當然，賽會亦關照到其他手機用戶，其實任何手機，都可連結到賽會的手機版網站，同樣可獲取包含6種語言的資訊。