5位「一姐」同日登場，素來是球迷寵兒的俄羅斯「美女」舒拉寶娃，今次卻罕有地被搶去風頭，事關「掛拍」達20個月的軒寧，在今年突然宣布復出，誓言要重建自己事業。這位28歲比利時球手，在今年初首度參與的布里斯班網賽即能殺入決賽，晉級過程更曾擊敗另一位前「一姐」伊雲娜域，僅在決賽不敵較其早半年復出的美網冠軍同胞克莉絲塔絲，盡顯頂級實力。

鬥阿金重拾節奏

軒寧認為與「阿金」克莉絲塔絲一戰令她獲益良多：「就連我自己都估唔到，同阿金嘅激戰真係幫到我，我已經逐漸重拾比賽嘅節奏同強度。」被列為非種子球手嘅軒寧，今次要登上后座肯定阻礙重重，雖然今日嘅首圈賽事只係與同胞菲立根絲交手，但下一圈已經可能要硬撼5號種子德蔓蒂娃，8強又有機會再次火併「阿金」，唯一慶幸係「舒娃」同「大細威」則係屬於另一邊賽區。

對於目前狀態，軒寧坦承仍未達高峰，不過她卻堅持不會向對手示弱，要以奪冠為目標：「冇錯，我仲要時間建立自己嘅信心同狀態，可能需要多幾個星期，或者係幾個賽事，甚至係幾個月，但咁樣並唔等於我冇能力贏得比賽。」

今日焦點賽程

男單首圈

B拿度/西班牙 Vs 盧斯澤/澳　洲

E梅萊/英　國 Vs 奇雲安達臣/南　非

D博迪奧/阿根廷 Vs 羅素/美　國

G魯迪克/美　國 Vs 迪柏加/荷　蘭

女單首圈

B沙芬娜/俄羅斯 Vs 萊芭列高娃/斯洛伐克

H珍高域/塞爾維亞 Vs 妮古娜絲高/羅馬尼亞

N舒拉寶娃/俄羅斯 Vs 姬莉蘭歌/俄羅斯

O克莉絲塔絲/比利時 Vs 泰積柯迪/加拿大

軒寧/比利時 Vs 菲立根絲/比利時

註：圈內為種子排名