NBA史上第1,000萬分終於喺尋日誕生！活塞後衞哥頓於主場對76人一役，憑住完上半場一次投射得手，成為射入聯盟史上第1,000萬分嘅球員，可惜活塞唔爭氣以94:104輸波，近12戰全敗正邁向球會史上最羞家紀錄。

公牛讓6分捧上盤

賽前唔少活塞球迷都準備噓爆隨76人倒戈嘅艾佛遜，可惜「戰神」因傷缺陣令球迷未能得逞。當比賽去到完上半場前3分51秒嘅時候，活塞後衞哥頓跳射得手，造就佢射入聯盟成立以嚟第1,000萬分，遺憾係佢之後傷出，全場亦僅攻入20分。

NBA常規賽周二賠率

NBA周日戰果

相反，對手76人相當神勇，最後以104:94報捷，至於活塞就慘嘗12連敗滋味，令教練古斯達灰晒，仲隨時會平埋球會喺93至94球季嘅14連敗紀錄添，問題係聽朝對住盛勢嘅公牛，都怕且難有作為，公牛讓6分上盤可捧！