俄羅斯「美少女」舒拉寶娃昨日雖然冇比賽，但在寒風下仍往維園練習一小時保持狀態，認真抵讚。值得一提是，由酒店往維園期間，舒娃一直Keep住煲電話粥，面帶甜絲絲笑意講足半小時，相信電話筒的另一邊都會是其Honey胡查錫吧！
舒娃昨午2:30從酒店出發去維園練波，落樓後即旁若無人大煲「電話粥」，更不時流露出甜美笑容，與愛人胡查錫的關係如膠似漆。查實胡查錫昨日亦有代表湖人參與「洛城打吡」，比賽後便向舒娃報到，都算有交代。
說回舒娃的練習，昨日獲賽會厚待在中央場練波的舒娃，全程孖實卡菲力哥夫對打，態度認真。此外，心情大靚的舒娃離開後亦樂意為球迷簽名，其中有兩位女球迷就因為早到睇波而巧遇舒娃，可謂意外收穫。