本文重點
只要有決心，凡事可成真！黃蜂尋日朝反勝火箭就係經典例子，打到最後3分鐘都仲落後緊7分，但喺佢哋個大腦「CP3」基斯保羅領導之下，成功打出絕地反擊，以一段13:2攻勢最後反勝99:95收場，只要聽朝繼續打得出呢股氣勢，黃蜂對爵士受讓6.5分，下盤梗敲得過啦！（有線165周二早上10:00直播）
受讓6分下盤抵撐
黃蜂今季演出稍為令人失望，但「CP3」嘅發揮其實依然唔失禮，尋日對住火箭最後階段有10分都關佢事，最終基斯保羅全場取得28分同9個助攻，率領黃蜂反勝。賽後「CP3」話：「我落到場就唔會諗咁多，淨係望住個計分牌，希望最後打低對手贏波，好彩今次真係做得到。」
黃蜂聽朝會作客爵士，雖然話佢哋今季作客成績唔算突出，但對手爵士新敗喺金塊手下，都唔見得出色，受讓咁多下盤自然抵玩。