癩蛤蟆原來真係可以食到天鵝肉！曾經同勒邦占士、魯迪克等體壇Superstar傳過緋聞嘅俄羅斯天后舒拉寶娃，竟然唔愛巨星愛「奀星」，情迷効力湖人嘅斯洛文尼亞「超級大茄」胡查錫，「舒娃」唔單止高調入場睇波力撐愛郎，更同Honey十指緊扣甜蜜行街街，卒之畀狗仔隊捉到正，戀情曝光。年薪只係得500萬美元嘅胡查錫，今次認真執到「寶」呀！
相比起「舒娃」，網壇另一索女伊雲娜域「揀仔」眼光獨到好多，呢位塞爾維亞甜心年初飛起西班牙型男華達斯高，即刻轉投澳洲高爾夫靚仔球星史葛懷抱，共譜異國戀，兩人男才女貌，簡直襯到絕！
