人說十八無醜女，弊在南非「筋肉女跑手」塞曼亞就畀自己一身雄壯肌肉搞到雞毛鴨血！呢位原本寂寂無聞嘅「小女孩」喺柏林世界田徑賽贏得女子800米金牌後「一炮而紅」，但係畀人質疑佢並非女兒身，仲慘到要接受性別測試，真係乜尊嚴都無！
雖然塞曼亞驗身後最終都可保留世界冠軍銜頭，佢份性別鑑定報告亦冇對外公布，但有消息指塞曼亞體內睾丸酮（雄性激素）水平比一般女性高出3倍，而且同時擁有男性同女性嘅雙重性徵，冇卵巢但就有睾丸，人體醫學上呢種叫做「雌雄同體」，喺國際體壇算係好罕見。經過今次風波，唔知塞曼亞仲有冇「勇氣」再戰江湖呢？！
