趙詠賢剛在香港舉行的東亞運動會獨取3金1銀，袋走超過30萬港元豐厚獎金，喜成「小富婆」，既然有「彈藥」在手，「小旋風」坦言今年買聖誕禮物亦都特別「手鬆」:「聖誕節係一個開心嘅日子，其實我每年都會買聖誕禮物畀家人及朋友，今年有一筆額外獎金，買嘢都唔會點睇價錢，但要以實用為原則，如果唔啱用、買幾貴都係浪費，所以我會花好多時間去諗送畀佢哋嘅每一份禮物。」

儲埋獎金養老

適逢這段時間很多朋友在外國回港度節，加上全年比賽結束，因此Rebecca今年要準備的禮物特別多，亦可放開心情盡情「血拚」：「真係好多，多到計唔晒，我諗都有超過20份，乜嘢種類都有，就連BB鞋仔、襪仔同埋玩具都喺購物單之列，但係都仲好似未買齊添喎……」不過，Rebecca都好識「慳家」，家人及男朋友的禮物可以「重手啲」，大約1,000元左右，其他朋友的禮品就「僅」約300元。

先睇衫~	後掃化妝品	再買小玩具

自9歲起已打壁球的Rebecca，承認運動生涯接近黃昏，所以31歲的她表明辛辛苦苦贏回來的獎金會是自己的「退休金」：「先儲起吧，或者農曆年會去吓旅行，但大部分都會係『養老金』嚟o架喇！」那麼，買了甚麼獎勵自己？Rebecca想了想：「好似冇喎，可能遲啲買部高質素嘅數碼相機啦！」