湖人大勝籃網

為乜講係大難不死？話說湖人喺鬥完公鹿之後，日前就搭飛機由密爾沃基飛去新澤西，但佢哋班機途中出現機件故障，好彩最後都冇事平安着陸。旅程有驚無險，球員之後總算發揮出色，其中主將高比拜仁就攞到29分同10個籃板，令籃網遭逢7連敗。

湖人戰績突出，但要延續王朝卻有一大隱憂，雖然話高比仔同加素嘅續約商討進展理想，但教練積遜就話明要等到出年6、7月，先會同湖人傾續約問題。積遜話佢做決定會考慮球隊表現同個人健康，不過最重要始終都係人工，佢暗寸湖人或者想減低成本唔請佢喎，唔知咁樣係咪要求加薪呢？