現年34歲嘅艾佛遜，尋日喺簽約記者會開始無耐，已經忍唔住落淚。「AI」首先大爆之前選擇退休，全因喺灰熊嘅失敗演出，令佢覺得自己嘅籃球生涯已經玩完，直至76人向佢招手：「我今日可以返屋企，都係多得76人。」

下周一倒戈金塊

自06年離隊後，曾効力活塞、金塊同灰熊嘅艾佛遜之後表示，一直覺得着起其他球隊嘅波衫好唔舒服。最後佢更為自己以前嘅過錯向球迷道歉，希望喺76人重新證明自己嘅實力。據講艾佛遜喺宣布重返76人當日，官網嘅瀏覽人次由一個禮拜前嘅36,000人次，一下子升上327,657人次。外間估計「AI」將會喺美國時間下個禮拜一首次披甲倒戈金塊，到時76人亦會開始正式發售「AI」嘅3號波衫。