本文重點
拓荒者、公牛被視為今季NBA最具活力嘅球隊之一，兩隊波近年組軍政策都係以新人掛帥，聽日朝早正面交鋒更係奧登、戴歷羅斯嘅「狀元大戰」！不過相比下拓荒者狀態、實力更好，主場讓2分都要捧上盤。
奧登命中率列NBA第2
前屆狀元奧登同上屆狀元戴歷羅斯，季初都被批評狀態差勁，不過近期齊齊翻生。拓荒者中鋒奧登依家喺命中率同封波分別列NBA第2、3位，公牛控衞戴歷羅斯尋日對金塊亦攻入今季個人新高28分，令呢場「狀元大戰」更有睇頭。
拓荒者尋日106:78大炒木狼，5個正選入面，上陣時間最多嘅萊爾都係得32分鐘，一來可以抖足精神鬥公牛，二來證明球隊兵源鼎盛，正選後備一樣夠殺，公牛相比下明顯輸蝕，拓荒者上盤信得過。 文：爆裂米拿