加素返嚟啦！喺禮拜四前，本來加素喺劇集《CSI:Miami》上鏡機會仲多過喺湖人上陣，但估唔到呢位因腿筋受傷，直至尋日先喺今季首次為湖人喺常規賽上陣嘅7呎巨人，一落場就入晒局，個人獨取24分同13個籃板，成為湖人主場以108:93斬殺公牛嘅最大功臣，賽後加素亦對自己嘅演出感到驚訝。
另外值得一提係，啱啱取得職業生涯第100次「40分+」嘅高比拜仁，尋日射入21分後，又以累積24,182分，超越「天勾」渣巴嘅24,176分，僅落後25,192分嘅謝利韋斯，成為湖人史上總得分第2高球員，認真可喜可賀！