賽前湖人特別派高比拜仁同費沙，將上屆總冠軍指環頒番畀今季轉投火箭嘅阿利沙，不過阿利沙攞獎後竟然發波瘟，全場只得9分。好彩首次見到冠軍指環嘅布魯克斯突然着火，射入職業新高33分，當中包括5個3分波，最終帶領火箭成功贏波，送湖人兩連敗。湖人球星高比拜仁喺首節再次整傷鼠蹊，全場帶痛上陣下只得18分，但賽後佢話冇事，仲話受傷唔係輸波嘅藉口，希望佢快啲可以重新振作啦！