開季得3勝6負

喺上季季後賽首圈被金塊以4:1淘汰後，教練史葛當時幾近被炒，經過今季開季只得3勝6負成績，包括上場作客以20分大敗畀太陽後，呢位08年最佳教練終於難逃一劫。黃蜂即時宣布由GM保華暫時領軍，同時重新聘請前教練科特任助教，但相信短期內難發揮作用。

黃蜂今季成績咁曳，最主要原因，係球隊季前用贊特拿交換奧卡科，但後者明顯未能適應球隊，再講保華唔好話教NBA球隊，就連大學都未教過，聽日作客鷹隊睇怕都冇好下場，畢竟鷹隊班主力夾咗幾年，今季更可以話步入收成期，開季至今只係輸過兩場咁大把，聽日主場出擊絕對可以睇高一線！