實力接近防守唔穩陣

76人同爵士尋日都有比賽，但命運迥異，76人憑楊格射入20分，布蘭特等隊友亦有水準演出，作客以82:79險勝籃網，但其實如果唔係籃網喺最後1分鐘連番錯失3個入波機會，76人贏唔贏到波仲成疑問。至於爵士作客就以86:105大敗畀塞爾特人，不過對手今季實力公認超晒班，爵士輸波絕對非戰之罪。

事實上，76人同爵士今季實力非常接近，至少從數據上反映出，76人每場平均得99.37分，失102.25分，至於爵士每場平均得98.75分，失102.75分，兩隊防守都唔算太穩陣，預期聽日交手，應該會係一場入球騷，大家切勿錯過。