據規定,為安全起見,NBA球隊必須乘坐專巴去球場出戰,但由於尋日海灣大橋因為緊急維修被迫關閉,火箭大軍喺當地警方勸喻下,改乘公共交通,為免引起混亂,避開瘋狂嘅球迷,佢哋最後選擇相對冇咁多人搭嘅渡輪,坐20分鐘殺入奧克蘭。唔少球員都突然變身遊客影番幾張風景相,結果,心情大靚嘅火箭球員就憑新兵阿利沙獨得25分,帶領球隊擊敗勇士贏得今季首捷。