但喺NBA世界，呢啲技巧只有黑人先發揮得淋漓盡致，白人絕對前無古人，所以好多人都話佢係「白皮膚，黑骨頭」，白朱古力個朵都係咁嚟。當積遜威廉士効力熱火時有人問佢，會唔會再傳出呢啲花式傳球時，佢就話萊利要佢用直接方式將籃球傳出，但自己仍然覺得，如果有時間、有機會，點解唔可以轉身180度再傳呢？但唔講唔知，積遜威廉士最自豪嘅花巧動作，係出自佢亦師亦友嘅師兄Keith Veny手筆。

一對一未贏過

Keith Veny係積遜威廉士喺Marshall大學嘅師兄兼好友，J Will一入學Veny就教佢點適應大學籃球，及後兩人仲一齊由Marshall大學轉到佛羅里達大學，積遜威廉士曾經講過，同Veny「one on one」從來未贏過。而大多數我哋喺電視見到積遜威廉士作出嘅高難度傳球，傳聞中仲係Veny教識佢。如果話冇Veny就冇積遜威廉士，相信絕不為過。