20/09/2009

播放本新聞相關短片

NBA新季睇實二線球星

早排見朱楓講Fantasy講得咁興奮,搞到自己心郁郁都想講吓!但相比之下,重炮手就鍾意玩NBA Fantasy多啲,今日就同大家講吓有邊啲球員會隨時帶嚟驚喜!

唔少人玩NBA Fantasy都會揀勒邦占士同韋迪呢類球星,但有好多名氣唔大嘅球員都唔錯o架!例如暑假轉會木狼嘅控球後衞沙斯安斯隨時係驚喜,一來佢上季効力公鹿已經有唔錯成績,二來木狼未能邀得歐洲星級後衞盧比奧加盟,喺控衞位置上會有唔少空間畀沙斯安斯發揮,相信平均每場17分及8次助攻嘅成績走唔甩!

至於另一冷門之選,我會揀紐約人中鋒艾迪居里,皆因有報道指佢喺暑假積極減肥,似乎有心打出成績,再加埋要搵一張新合約嘅額外動力,各位玩家值得一試!

重炮手