舒米高進軍娛圈，點只做主持咁簡單！其實呢位經典門將自掛靴後經常出現喺遊戲節目博出鏡，想睇佢重返球場？今年10月就有機會！
丹麥名宿10月訪越
同好多退役球星一樣，舒米高都喺電視台做過講波佬，只係喺06年，佢突然參加《舞動全城》英國版，將佢平時喺球場嘅靈活身手帶去舞台。之後佢又玩過英國版《一筆Out消》，可惜連第一關都過唔到。
雖然星途未如意，但舒米高喺球壇嘅地位仲係好高。舊年10月，丹麥王后出訪越南，就傾掂話喺今年10月24日安排表演賽，由丹麥92歐國盃冠軍隊同越南明星隊交手，屆時舒米高、勞特立兄弟等經典巨星都會落場獻技，咪話唔吸引！