豪：咁又唔係噃，我不嬲都好「恨」着西裝，以前無機會嘛，所以搵到工第一件事，我即刻去「入貨」！

「義工」．大計……

記：平日除咗返工，仲忙啲乜嘢？

豪：我加入咗好多個社會團社做義工服務，其中喺菁英會、香港精英運動會協會，同埋中國研究生會最活躍，主要都係幫手搵活動，做吓講座或者分享會，其實同我本身份工都好相似。

記：點解咁鍾意做義工？

豪：我份人好感性，想身邊嘅人活得開心，笑口常開，而且想以身作則，話畀人知玩武術嘅唔一定係粗魯，一樣可以體現到人間有情。

記：咁最近有乜大計？

豪：想組織支武術義工隊，同班師兄弟一齊，既可聯誼感情又能造福社會，一舉兩得！