豪：係呀，07年12月上咗個奧運主持班，之後就喺08年3月到7月期間就做《電波聖火令》節目，主要係直擊報道京奧聖火傳送嘅情況。

記：嗰4個月去過邊啲國家?

豪：希臘、英國、北京、阿根廷、泰國、日本長野、上海同四川。

記：有咩嘢難忘經歷呢?

豪：嘩，太多喇！呢個係一次好難得嘅人生體驗，中國辦奧運牽動咗全世界，原來喺外國生活嘅中國人可以咁團結，每次見到聖火經過，我都好感動。