每日勤操幾粒鐘，

難怪安妹弗到漏，

燦爛笑容加熱舞，

主客球迷都叫好。

噴血指數：㊣㊣㊣㊣㊣

註：最高為5㊣

已經第3年成為湖人啦啦隊成員嘅安妮卡，除咗每日喺Gym房做運動外，日常飲食都以蔬果為主，就算晚餐亦只會食魚，謝絕一切油膩高脂食物，難怪Keep住苗條身材，每當湖人主場比賽時候，都可以用熱舞為高比、加素等球星打氣啦！

極秘自白書

‧積遜女友珍尼巴斯天生反叛，曾經為Playboy雜誌拍攝性感照，難得積遜亦可將之收服。據積遜透露，兩人拍拖最鍾意嘅節目係揸電單車喺高速公路遊車河！

‧先後同佐敦、柏賓、高比拜仁及奧尼爾等NBA超級巨星共事過，究竟積遜覺得邊個球員係佢得意門生？諗都諗唔到原來係佢──「變色龍」洛文！

‧眾所周知，積遜正與湖人班主謝利巴斯之女珍尼巴斯拍拖，兩人年齡雖然相差16年（男方63歲，女方47歲），但呢段忘年戀至今維持已經10年時間！偏偏積遜拒絕結婚：「同老闆嘅女拍拖已經夠麻煩，如果結埋婚，人哋以為我為咗份工耍手段！」

本周金句王

奧拿斯（里昂會長）：「當年我哋冇諗過要賣艾辛，不過車路士攞咗張好多個「0」嘅支票出嚟……試問財雄勢大嘅曼聯打賓施馬主意，我哋可以做得啲乜？」

金句指數：★★★

註：最高為5★