「我好想將來打甲一，仲要似爸爸咁叻！」「柱仔」控、傳、射樣樣皆精，叱咤籃壇逾20年，廣受不同年代球迷愛戴，其愛兒「嘉軒」更是箇中超級Fans，年紀小小就立志要「子承父業」，並以「偶像爹哋」為奮鬥目標。
得到父親的遺傳因子，現就讀英華書院中二年級的吳嘉軒，未滿14歲已有1米80身高，且對籃球有着不解情意結：「小學開始接觸（籃球），起初唔係太鍾意，但升中之後入咗校隊，因為有競爭性，所以興趣愈嚟愈大。」司職小前鋒的「嘉軒」不僅正全力爭取校隊正選位置，還渴望追隨父親步伐，於甲一組闖出名堂。
問「嘉軒」最欣賞哪位本地球員，小伙子不消一秒就答：「梗係爸爸啦！細細個睇波嗰陣已經覺得佢好勁，基本功好紮實，平時我都有叫佢傳授啲絕招畀我㗎！」聽着、聽着……，坐在一旁的「柱仔」流露出一副「老懷安慰」的模樣，不過，他在盛讚乖仔有不俗潛質的同時，亦強調須以學業為先：「由細到大，我都同『嘉軒』有個協定，佢要畀心機讀書至可以打籃球。」