本文重點
雖然話NBA有薪酬上限呢個規例，但唔少球隊情願畀奢侈稅，都要買球星增強實力，當年湖人四條A同埋上季塞爾特人嘅三巨頭就係當中嘅例子。當然，畀得起錢梗想得到好成績，但今季使錢最多嗰兩隊，成績就認真不敢恭維。
高價買球星成績得個吉
NBA今季有四支球隊人工支出多過9,000萬美元（約6億9,750萬港元），分別係紐約人、速龍、小牛同埋騎士。前兩者喺東岸一隊尾二，一隊尾三，連競爭力都談唔上，更勿論爭標。咁佢哋啲錢使咗去邊？原來又係使錯錢。紐約人當年同馬貝利續4年約，開價5億8,900萬，上季球隊需支付1億6,150萬年薪，結果？紐約人都係得個吉。
速龍方面，佢哋使咁多錢則較令人意外，事關呢隊多倫多球隊一向都係比較「慳家」嘅一隊，但今季一個變動就令佢哋支出大增，就係接收謝美奧尼爾同保殊打雙塔。呢個中鋒年薪高達1億6,564萬，結果打咗半季就同熱火Trade咗馬利安，搵謝美奧尼爾返嚟決定正唔正確？從管理層半季後即作出交易嚟睇，相信都估到答案。