下個目標做番「1哥」

由去年的溫網不敵拿度開始，到今年初的澳網敗北，費達拿一直被質疑是否已過巔峰期，然而「費天王」根本從未懷疑過自己：「係，我係冇咗個世界第一排名，但唔係跌出十大同百大嘛。我喺每個大滿貫都打出高水平，要知道我一直都有背傷纏身，只係大家都唔畀時間我，將一切帶回正軌。」

長江後浪推前浪，可是這位瑞士球王堅持自己無所畏懼：「之前對梅萊同祖高域，我係唔知點解突然失準之嘛，或者係我嘅傷患影響我開波啦！我一直深信有朝一日會贏得法網㗎，拿度同祖高域先後出局只係令我有更大希望，但我捧盃係因為我勤力練波，又撞啱最好時機。」

家鄉場館命名費達拿

成為網壇傳奇，從阿加斯手中接過獎盃嘅費達拿依然回味不已：「由阿加斯手中接過獎盃，就好似繼承者嘅感覺，佢係上一個全滿貫球手，我對佢同森柏斯都充滿尊重。我唔知自己係咪史上最佳，但能夠成為其中之一，已經令我高興。」

以27歲之齡贏盡網壇一切，費達拿都承認再無遺憾，卻強調自己仍熱愛網球，根本無意掛拍。至於今季餘下目標，除了贏得溫網及美網外，當然是全力搶回世界第一之位，完美的費天王再戰神奇的拿度，依然值得大家期待。

另外，為了表揚費達拿的偉大成就，其家鄉瑞士巴塞爾亦決定將當地舉行國際網球賽的聖積高沙利場館，改名為費達拿場館。