一向鍾意喺網上發放整色整水片段嘅速龍球星保殊，搞笑嘅潛能獲得加拿大華納音樂公司垂青，佢將成為世界上第一個喺蘋果推出同自己有關嘅iPhone同iPod嘅運動員。
保殊搞笑片段反應熱烈，最近更與加拿大華納音樂簽約，預計秋天推出個人音樂DVD同CD。據報DVD會以保殊一向搞笑嘅形象設計，由保殊同一個科技公司總裁製作，更包括喺達拉斯嘅生活片段。
華納總裁凱恩對保殊讚不絕口：「保殊無論喺場內場外，都係一個才華橫溢嘅人。以前我哋從未試過用呢種方式同球員合作，直至我哋透過保殊喺網上難以置信嘅搞笑片段，就搵佢合作。」