本文重點
美國人搞體育事業最鍾意加插明星賽元素，最佳例子就有NBA，最少有我每年都會支持！事實上，美職聯亦有明星賽環節，佢哋今屆明星賽將會安排喺七月尾於皇家鹽湖城主場舉行，最近仲開始接受大家投票選出正選十一人！
票選11人友賽愛華頓
其實今次明星賽中，由美職聯球星組成嘅代表隊將會同英超愛華頓比賽，至於明星隊嘅人選將會由當地傳媒、美職聯各大球會教練、球員同球迷分別投票選出。其中美職官網最近就開始接受球迷網上投票，每人可以選擇一個門將、三個後衞、五個中場同兩個前鋒組成明星隊！
按球迷投票走勢，以西雅圖海灣者門將基拿暫成票王！咁又難怪，呢支新軍現排西岸第二，佢功勞唔細，至於重炮手亦挑選心水十一人，唔知到時有幾多個有份踢呢？