本文重點
早前我哋曾經為大家報道過華人黃健華有興趣入主騎士，最近呢名商人被人發現去騎士主場親身考察，仲向傳媒證實快將收購騎士，同時更唔排除會簽入姚明，同勒邦占士組成拍檔。
或拉攏姚明加盟
現年46歲嘅黃健華，係首位進入紐約證券交易所嘅華人，日前佢被發現喺騎士主場出現，據講黃健華此行目的，除咗睇波外，主要係考察騎士嘅軟硬件設施，並首次向傳媒證實快將收購騎士：「克利夫蘭唔係一個大城市，但騎士嘅能量好大，我睇好佢哋。我去過好多球場，睇過好多比賽，發現克利夫蘭嘅球迷最熱情，騎士主場嘅開場儀式亦最震撼人心，呢啲更加堅定我嘅投資信心。不過我唔會喺呢幾日宣布，事關依家打緊季後賽，我唔想令騎士嘅球員分心。」
一旦成功收購騎士，黃健華將會成為NBA史上首位華人老闆，有美國傳媒揣測佢上任後，將會拉攏「同鄉」姚明加盟，雖然黃健華冇直接回答，但就大讚姚明係一位非常刻苦同優秀嘅NBA球員，似乎呢單傳聞唔似係空穴來風。