牛頭角：燒味周街擺 食署執法不力
黃小姐指牛頭角街市熟食中心有檔戶將燒味及肉類置於通道，且「無遮無掩」有欠衞生，卻未見有人執法，「啲燒豬就咁放晒喺條路度，啲鵝仲好似未熟添，又冇嘢遮住，萬一有人經過打乞嗤或者咳，啲細菌咪黐晒落去！」
牛頭角街市有人將肉類及燒味懸掛於行人路，食物衞生成疑。
食物環境衞生署發言人稱，派員巡查時未發現檔戶懸掛燒味及肉類，但已提醒熟食中心及肉檔檔戶需妥善儲存燒味及肉類。
發言人續稱，根據《食物業規例》，任何人在食物業運作中，不得儲存（包括陳列以供出售）或容受或准許他人儲存未加掩蓋的食物，如任何人違反上述規例，一經定罪最高可處罰款一萬元及監禁三個月，另加每天罰款三百元。
「有咩理由記者去到都見到，但係食環署就話冇發現？」黃小姐批評食環署執法不力，促當局多加巡查，倘發現有關情況應即時執法。
