有人風雨不改五十載，亦有人離開是為了回來。在元朗安寧路開業三十年的華盛頓快餐店，曾經舖面逾千平方呎。三年前，老闆把舖頭賣掉，打算退休，「兩手揈揈無嘢做，好唔慣。」休息八個月後，在媽橫路再開店，惟舖面縮至只剩三百多平方呎，扣除廚房及擺放雜物等地方，舖面僅可放一張摺枱和兩張摺櫈，街坊坐在路邊食飯都要四處張望，恐防有食環署職員在附近，被指阻街。

「華盛頓仔」徐先生嘆謂，老街坊「走吓一個又一個」。

「依家主要做外賣，仲邊有得坐呀。」被街坊稱為「華盛頓仔」的老闆徐先生嘆喟，「香港地，可以坐低傾吓偈嘅地方愈嚟愈少。」他又說，日日見，見足幾十年的街坊，大家充滿感情，「走吓一個又一個，係唔捨得嘅，不過都睇化晒囉。」

說起當天為舊街坊送行的兩隻炸雞翼，「都係心意嚟啫。」徐先生憶述，老太太生前饞嘴，常常來店裏吃炸麵包皮，「成日同肥仔嚟傾偈㗎佢。」記者事後成功聯絡「肥仔」Patton，他說起這個「華盛頓仔」亦滔滔不絕，「佢點會唔記得我呀？我四十幾年嚟，差唔多餐餐午餐都喺呢度食，我一打去，佢聽把聲就知係我。」可能這就是老店令人珍惜之處。

第一手消息請下載on.cc東網iPhone/iPad/Android/Windows Phone Apps