政壇：兜巴星：抽走執勤車訓練 黎文軒靠害市民

消防處於本周一晚上，喺八鄉消防訓練學校進行突擊大型核生化操練，將二十幾架當值中嘅消防及救護車輛由前線抽離，但無安排充足後備車輛喺市面執勤。新界區域內一眾消防局「首當其衝」要出車應付，先後出動升降台、泵車、搶救車等。由於屯門、元朗等區平日的出車次數頻繁，晚上突然要做訓練，令部分人員不滿，亦有前線人員質疑部門並無安排充足後備車輛在市面執勤，影響對市民服務。消防處處長黎文軒擺明玩火，仲攞市民條命較飛。呢種引火自焚嘅行為，一日唔兜走佢，市民都冇安樂日子過呀！