相信大家仲記得，前房屋及規劃地政局局長「孫公」孫明揚多年前曾提出喺任期內「一次過」解決丁屋問題，可惜事與願違，現今仍未解決，而且爭議不斷。孫公尋日接受電台節目訪問時，承認自己「嗰陣時真係唔識世界，豪言亂語」。不過，孫公似乎未有吸取教訓，指面對土地有限，難以「永生永世」滿足丁權，重提丁屋向高空發展嘅建議，並為丁權劃線，例如十至二十年後，就要停止丁權政策，但確保現有原居民同下一代原居民嘅權益唔會受損。孫公唔做官，講嘢都零舍放啲，唔知道原居民會否覺得佢又再「豪言亂語」呢？

孫明揚話面對土地有限，難以「永生永世」滿足丁權。

第一手消息請下載on.cc東網iPhone/iPad/Android/Windows Phone Apps