元朗：康署懶理攜狗入公園
朱先生不時到元朗八鄉的上村公園散步，不滿有人每晚均攜狗隻進入公園，更隨處便溺，影響公園衞生，又指康文署一直未有正視問題，「啲人好冇公德心，晚晚都帶啲狗入嚟，又由得啲狗周圍便溺，有次離譜到個狗主都喺樹邊便溺！」
有市民攜狗隻進入八鄉上村公園，狗主更疑便溺。（讀者提供）
康樂及文化事務署發言人稱，過去一年接獲三宗相關投訴，該署已在公園出入口張貼告示，並懸掛橫額，提醒市民不可攜狗隻進入公園。職員亦特別加強晚間的巡查工作，當發現有人違規，會即時作出勸喻。另外，為針對流浪狗進入公園便溺的情況，該署會加強清潔工作。發言人重申，會定期巡查場地，確保場地秩序良好及清潔衞生。
「可能唔想有衝突啦，啲職員通常行過講兩句就算，一定要檢控同罰款先有阻嚇力！」朱要求部門加強執法，改善公園環境。
