SUN搞作：SUN官場現形記：官人我又要
官場荒謬問答比賽再次舉行，今次接受我哋年輕主持人挑戰嘅，係運房局局長炳炳。
主持人︰喺香港，咩人係最慘呢？
炳 炳︰我知！係強國人，因為佢哋嚟旅遊成日畀人鬧。
主持人︰錯！強國同胞一向不拘小節，處處方便，血濃於水，點會斤斤計較，佢哋又點會係最慘？
炳 炳︰咁……唔通係AV仁？因為佢區選落敗。
主持人︰都錯，雖然話選舉失意，但睇佢春風滿面，就知另有慰藉喇！
炳 炳︰個個都唔係，你話我聽答案喇！
主持人︰局長，咁都仲要問，梗係我哋年輕人！
炳 炳︰點解咁講？
主持人︰年輕人，安居難，官人我要……樓呀！
