市區重建局為免觸犯家庭崗位歧視條例，突然轉軚容許單身人士購買首個資助出售房屋啟德「煥然壹居」，入息同資產上限更與家庭申請人看齊，同為月入六萬元及資產三百萬元，又不限名額及揀樓優先次序，令一眾單身貴族與家庭申請人一齊「抽獎」。關注團體質疑單身「貴族」無理由仲要政府資助置業，炮轟市建局太鬆手，擔心最終影響家庭申請人嘅購樓機會，有四名市建局非執董更要求「翻盤」。呢件事反映市建局矯枉過正，隨時引起更多爭議，主席蘇慶和今次真係弄巧反拙添煩添亂。
