喺立法會經三上三落嘅創新及科技局終於成立,局長楊偉雄早前履新,拋出九大工作重點,包括「再工業化」、打通香港做WiFi城市等,聽落熟口熟面,但總算係有啲諗頭,佢仲話香港絕對有條件走創科道路,跟住又推波畀市民同立法會,話只要獲兩方支持,就算喺短時間都可做出成績喎。但有議員話佢只得約年半任期,未必夠時間做嘢,最驚政府部門各自為政,反成障礙。睇嚟楊偉雄上任後,最重要唔係搞咩九大工作,而係要多啲同其他政策局協調,咪急功近利,否則創科分分鐘又變大白象。

第一手消息請下載on.cc東網iPhone/iPad/Android/Windows Phone Apps