喺尋晚舉行嘅香港設計大使籌款晚宴中，見到好多城中名人盛裝到場，包括霍啟剛同郭晶晶、名媛Michelle鄭詩韻同老公陳鴻業，同埋羅氏針織太子女Victoria羅可旋。

鄭詩韻同老公陳鴻業話今個聖誕節、生日同結婚周年紀念暫不慶祝。

講到聖誕點樣慶祝時，Michelle話今個聖誕節、生日同結婚周年紀念暫不慶祝，又話：「臨o個日先知囝囝（升小一）學校收唔收，費事太大壓力，等有消息先。如果考到入心儀學校會同屋企人食飯，一次過慶祝。」佢又話：「囝囝唔擔心，佢以為已經考到學校，周圍同朋友講o係邊度讀書。」

第一手消息請下載on.cc東網iPhone/iPad/Android/Windows Phone Apps