城中鏡：打造珠寶品牌 吳婧多姊妹撐
仁愛堂總理吳騰嘅女兒吳婧搞咗個自家珠寶品牌，尋日舉行開幕酒會，好多姊妹友好撐場，四叔李兆基姪女李慧敏同李玟家姐李思林都有到，李慧敏仲讚吳婧嘅珠寶好女性化。
吳婧話音樂同藝術係佢生命嘅一部分。
李思林無懼歐洲恐襲陰霾，稍後就會飛往德國。
今年二十七歲嘅品牌創辦人吳婧主持大局好淡定，佢四歲學音樂，仲喺邁阿密攻讀音樂，但依家由音樂界向珠寶設計師進發，究竟乜嘢觸發呢個轉變呢？佢話：「音樂同藝術係生命嘅一部分，（我）o係邁阿密返香港後，開始學珠寶設計，想設計屬於每個人自己嘅藝術品，希望大家睇到我對藝術同音樂嘅熱情同創意。」踏足商界，佢會唔會都同爸爸一樣加入慈善機構？佢話要按部就班，依家仲有好多事情要學習。
清減不少嘅李思林就透露夫婿身在德國，話聖誕前自己都會飛德國，歐洲正值恐襲陰霾，佢引述老公話，法蘭克福每條街都有警察站崗，但感覺當地仲算係安全。
