牛肉檔聯繫黎太和一眾街坊，想不到亦成就了一段「街市姻緣」。黎太和丈夫在街市相識，婚後丈夫幸福「過檔」，「我先生以前做豬肉檔，做嘢時成日見到面，就係咁相識咗。」多年來兩人要在清晨五時起床，工作到晚上八時才能收舖，現在終於可以雙雙退休，找回私人空間。

家常美味變「期間限定」

幫襯了牛肉檔二十多年的簡太，對牛肉質素讚不絕口，可惜家常美味，瞬間將變成「期間限定」。她感嘆街市鮮肉檔愈來愈少，鮮有年輕人或新檔口加入，「知道佢唔做，我WhatsApp啲仔女，我個女第一個反應係點算呀媽咪，以後去邊度搵靚牛肉呀？」子女愛稱呼黎太為姨媽，得知她退休後，即時到檔口和她話別，「有個仔喺澳門住，都話要返嚟見吓佢（黎太）。」簡太不捨之餘，希望能保持聯絡，「我覺得係一個階段，好多人都會記住佢，都替佢開心，希望佢退休生活愉快。」

第一手消息請下載on.cc東網iPhone/iPad/Android/Windows Phone Apps