政壇：青年新政甩轆串錯字
政界錯誤一單接一單。我哋尋日先同大家講過，成功連任嘅民建聯大埔區議員黃碧嬌嘅謝票橫額粗疏，被網民發現佢嘅謝票橫額本印上「多謝持支」，原來係要多謝選民支持變咗前後掉轉。話口未完，今次喺區選中大出風頭嘅青年新政都出醜。
（互聯網圖片）
今次係參選九龍城黃埔東選區嘅游蕙禎同當選黃埔西選區嘅鄺葆賢出事，因為兩人嘅宣傳品串錯英文字，佢哋寄畀選民嘅政綱口號「香港人 一齊贏一次」，被發現英文嘅「Toghether」串多咗一個「h」，有眼利嘅網民質疑泛民經常笑建制派，但原來自己都係一樣。又係嘅，青年新政由走入政壇就不斷強調佢哋嘅定位係年輕、幹勁，依家第一戰就染上政壇傳染病，真係要檢討。
