柴灣：公廁偷水洗車 食環署塞責
「成日都見到有人喺度拎啲水去沖身同洗車，啲水費始終係市民畀，咁咪即係濫用公共資源？同埋積少成多嘅話，條數都幾襟計！」李先生不時目睹有人於柴灣常安街公廁接駁水喉，疑盜用食水用於私人用途，遂向食環署投訴，惟情況仍未見改善，「可能佢哋見都冇人嚟捉，咪放膽繼續用囉。」
有市民指經常有人在常安街公廁取水私用，惟食環署指巡查時未有發現。（讀者提供）
食物環境衞生署發言人證實，過去一年曾接獲兩宗相關投訴，接獲轉介後亦有於不同時段派員到場巡查，惟期間未有發現，但經調查後亦有在入口處張貼告示，警告切勿取公廁食水在別處使用。
發言人同時指出，《公廁（行為及舉止）規例》訂明，不得取去盛載於供應給公廁內洗手盆及豎喉的水在別處使用，或以任何方法干擾公廁供水系統，否則即屬犯罪。
