同行如敵國，競爭見高下。最近雲端科網兩大企業就上演咗場暗戰，事關Aaron Levie創辦嘅Box，同Drew Houston創辦嘅Dropbox，兩位創辦人都係80後，佢哋最近隔空互片，拗咩？咪就係究竟邊個嘅雲端系統勁囉。

佢哋兩間公司一向喺用戶及拓展上競爭激烈，Box今年一月喺美國上咗市，依家市值十六億美元；Dropbox雖然冇上市，但以最新一輪融資計，估值成一百億美元。而事情之始係Dropbox位Houston挑機先，佢早排喺Dropbox用家大會上話「我哋只係十個月，就有『人哋』要成十年先有嘅咁多客，我哋舊年新增嘅商務客，多過『人哋』成世」，雖則佢冇開名，但係人都知佢唱緊Box。結果梗係畀人還擊，斥責佢哋嘅系統只係畀人用於備份！

第一手消息請下載on.cc東網iPhone/iPad/Android/Windows Phone Apps