政壇：公司生意現低潮愛駒呵番郭少明

內地客訪港量持續下跌，啱啱公布中期業績嘅莎莎表現都唔係幾靚仔，主席郭少明（Simon）尋日話，港元強，兌其他貨幣如日圓、歐元都好平，於是啲人去晒第二度買嘢，佢覺得日圓太過平，過去一年累貶咗約四成。咁佢自己會唔會去日本shopping埋一份？佢話要以身作則，留港支持本地消費，短期內唔去日本咁話。

莎莎中期盈利比舊年同期跌咗55%，郭主席當然話唔開心，好在佢隻愛駒「美麗之星」前幾日贏咗比賽，心情先好番啲。太太郭羅桂珍（Eleanor）就話對賽馬冇乜興趣，咁郭太係咪花時間心機打扮多啲呢？佢又話唔係喎，因為平時好忙，所以着衫都係求其着，冇花時間揀o架，合眼緣就好。