政壇：胡定旭不在位 講風涼話

因為不滿醫院管理局未有按公務員薪酬水平調查調高醫生工資，公共醫療醫生協會尋日發起靜坐抗議，醫管局高層同食物及衞生局局長高永文都到場撲火。不過，醫管局前主席胡定旭同日上電台話醫生要求加人工好合理，認為公立醫生人工低過私人市場，仲建議醫管局透過內部調配資源，增加醫生人工添！不過，古語有云：「不在其位、不謀其政」，胡定旭退任醫管局主席兩年，相信醫管局內部情況已經好唔同，況且佢在任時亦發生過類似嘅工潮，最後仲發動上街遊行添，所以話呢，唔係做得好過人就唔好講風涼話喇！