政壇：郭秀雲歎住防癌 「泰」舒服
名媛郭秀雲尋日出席乳癌活動時話喺香港有好大壓力，要識得減壓，而佢會以潛水減壓，平日亦有運動，咁都有助預防患上乳癌。
郭秀雲平日會以潛水減壓同埋運動，話有助預防患上乳癌。
郭秀雲透露曾喺十多年前發現乳房有腫瘤，佢話：「自己唔係特登去Check乳癌嘅，我每年都會同屋企人去泰國做Body Check，我有屋企人喺當地，嗰度啲醫院好舒服又有埋Spa。嗰次咁啱Check到去右邊乳房時，醫生發現有粒好似豆咁大粒嘅腫瘤，有啲唔正常，唔係水瘤嚟嘅，就安排我第二日即刻開刀，驗咗係好初期嘅，兩個月之後返去覆診已經無事，之後每年都繼續Keep住Check Up，所以真係要及早發現同治療。
問到有冇定期Check乳癌？佢話：「自己無刻意去做，都係沖涼時順便睇睇。老公亦唔會幫手Check，其實自己先最了解自己嘅身體。男女都要Body Check，我老公都有同我去泰國Body Check，Check之前要飲晒清晒啲腸胃，佢搞到面青唇白好辛苦，等緊嘅時候已經無咗知覺，到Check完晒我叫醒佢，佢都唔知已經Check完，所以佢唔再驚。」
