將軍澳：遊樂場視障設施 得個擺字
「平時行過見部機好似得個擺字，不論朝早定晏晝都唔見有運作，個綠色開關掣爛晒，特登整部機都係想方便視障人士，依家好似嘥咗咁！」林小姐指出，將軍澳常寧遊樂場近環保大道入口設有一視障輔助設施，惟不常聽到有聲響，懷疑已告損壞，擔心視障人士難以使用。
常寧遊樂場內設有可發聲的摸讀平面圖，有市民質疑該設施「得個擺字」。
康樂及文化事務署指，設施為附有發聲裝置的摸讀平面圖，曾接獲市民不滿有關發聲裝置造成滋擾，因此將運作時間設定為上午八時至晚上八時。發言人稱，現時該裝置已設為無間斷運作，亦已就裝置發出的聲浪作出調校，避免對其他人士造成滋擾。
「我上次晏晝行過，專登去撳個掣，都唔見佢有反應；同埋如果一早可以調校大細聲，咁點解當初要縮短運作時間？」林小姐認為該署未有善用資源，促適當跟進以免再有同類事件發生。
