露宿者侵南昌邨 社署漠視
深水埗通州街一帶的露宿者問題存在經年，附近居民指出近年露宿者數目有增無減，近日更有疑為露宿者人士走入公共屋邨，向居民索錢並造成滋擾，治安成疑的同時，更令人質疑社會福利署工作的成效。區議員狠批，社署對區內露宿者的跟進被動，擔心問題會愈趨嚴重。
露宿者的雜物佔去大半條行人路。
謝婆婆指在南昌邨內曾兩度遇上疑為露宿者人士向她索取金錢。
欽州街行人天橋本有大量露宿者居住，惟早前因火警後被清理。
記者在通州街一後巷發現有針筒散落地上。
「之前（欽州街）行人天橋火燭後，上面啲露宿者都過埋嚟通州街公園呢邊，呢排仲有啲人走入附近南昌邨，我見過好幾次佢哋專揀老人家問攞錢，有部分人好惡，又見過邨入面啲花槽有針筒。依家我哋一到夜晚都唔敢落街！」深水埗南昌邨居民梁先生指出，通州街附近的露宿者人數近年不斷上升，質疑社署對有關人士支援不足，令區內治安生變。
年逾九旬的謝婆婆同住該邨，她亦稱先後兩次在邨內被疑為露宿者人士索錢，感到甚為滋擾，「我去完街返嚟經過公園仔，就有個男人問我攞錢，見佢啲衫好邋遢，問我：『有冇兩百蚊呀，我冇錢開飯。』我話冇，佢又問：『咁一百蚊有冇呀？』我都話冇，佢就話：『搞錯！連一百蚊都冇！』」
記者日前在通州街一帶看見有不少露宿者，深水埗玉石市場外搭滿以紙皮、木板等物料建成的小屋，而記者於鄰近後巷亦發現有多支針筒散落地上。
接求助才會處理
當區區議員衞煥南證實，經常接獲街坊反映上述問題，一直向不同部門反映，認為社署處理較被動，欠缺成效，「近十年社署將好多工作外判，但職員始終唔係公務員身份，執行力度有限。對於露宿者，社署成日話收唔到求助冇得處理，但佢哋點會主動搵社署？」
街頭義工周樹德亦指，近年露宿者確有增長，惟即使社署有提供住屋津貼，部分露宿者卻「呃租」，領取津貼後依舊露宿，「有啲人拎咗租金津貼之後就用喺不良嗜好上面，社署唔查，業主又唔會理，就另外租畀其他人。」
南昌邨客戶服務處發言人指出，該處已加強保安巡邏工作，每發現有露宿者進入邨內會即時驅離或報警求助，而警方亦有加強邨內外的巡查。
社署發言人則稱，該署現時資助一隊綜合服務隊，為深水埗區露宿者提供服務；亦有資助推行「邊緣社群支援計劃」、五間市區單身人士和兩間臨時宿舍，共提供二百零二個宿位。發言人指，過去一年已登記的露宿者人數為八百五十三人，其中深水埗區佔逾三分之一，強調露宿是複雜的社會問題，會繼續與其他服務單位緊密合作。
記者：呂諾君
逢星期一至五見刊
